“Ramazan sülh, həmrəylik, qardaşlıq və şəfqət ayıdır. Lakin, İslam dünyasının bu mübarək günlərdə ağrı, göz yaşları, münaqişələr və müharibələrlə əlaqələndirilməsi bizi həqiqətən kədərləndirir”.
Yeniavaz.com xəbər verir ki, bunu Türkiyə Prezidenti Rəcəb Tayyib Ərdoğan 10-cu Milli İradə İftar Proqramında çıxış edərkən deyib.
“Uşaqların qorxduğu dünyanın bütün dənizlərinin mavi olub-olmamasının nə fərqi var? Hər gün bu haqlı etirazla qarşılaşırıq. Əllərimizi ürəyimizin üzərinə qoyub dürüst cavab verək. Səhər məktəbə xoşbəxt gedən uşaqların axşam evə qayıda bilmədiyi dünyanın bütün dənizlərinin mavi olub-olmamasının nə fərqi var? Altı yaşlı qızların 335 güllə ilə öldürüldüyü dünyanın bütün dənizlərinin mavi olub-olmamasının nə fərqi var? Oyuncaqların qanla ləkələndiyi, xəyalların puç olduğu və uşaqların məsum üzlərindəki təbəssümlərin vaxtından əvvəl solduğu dünyanın bütün dənizlərinin mavi olub-olmamasının nə fərqi var? Uşaqların uşaq böyütməyə məcbur edildiyi dünyanın bütün dənizlərinin mavi olub-olmamasının nə fərqi var?”, - ölkə başçısı deyib.
Ərdoğan qeyd edib ki, bundan daha ürək ağrıdan şey dünyanın sükutu və laqeydliyidir:
“Söhbət səssiz qalmaqdan, laqeyd olmaqdan və baş verən əzabları faktiki olaraq görməzdən gəlməkdən gedir. Ölkəmizi bu odlu çuxurdan uzaq tutmaq bizim əsas prioritetimizdir. Həmçinin sizdən İrana hücumlarla eyni vaxtda qızışdırılan məzhəb və etnik əsaslı təxribatlara qarşı çox diqqətli olmağınızı xahiş edirəm. Buradakı hər bir qardaş və bacımın bunu bilməsini istəyirəm; biz uzun və çətin bir səyahətə çıxmışıq. Uzunmüddətli mübarizə üçün qollarımızı çırmalamışıq. Bütün səylərimiz müqəddəs və hörmətli məqsədimizin qələbəsi üçündür”.
Tətbiqimizi yükləyə bilərsiniz
