ABŞ vətəndaşlarını bu ölkəni tərk etməyə çağırır

ABŞ-nin Beyrutdakı səfirliyi vətəndaşlarını ölkəni tərk etməyə çağırıb.
Yeniavaz.com xəbər verir ki, bu barədə BBC məlumat yayıb.
Səfirliyin məlumatında qeyd olunur ki, ABŞ vətəndaşları, əgər təhlükəsiz hesab edirlərsə, Beyrutdakı Rafiq Həriri hava limanından “Middle East Airlines” təyyarələri ilə ölkəni tərk etməyi nəzərdən keçirməlidirlər.
Qeyd olunur ki, son bir həftə ərzində Beyrut və Livanın cənubundakı bəzi bölgələr İsrail tərəfindən bombardmana məruz qalıb. İsrail əməliyyatların İran tərəfindən dəstəklənən Hizbullah qruplaşmasını hədəf aldığını açıqlayıb.
Səfirlik, ölkəni tərk edə bilməyən vətəndaşlara isə mümkün qədər təhlükəsiz yerlərdə qalmağı və ictimai məkanlardan uzaq durmağı tövsiyə edib.