Əraqçi ABŞ Mərkəzi Komandanlığına “təşəkkür etdi”

İran İslam Respublikasının xarici işlər naziri Abbas Əraqçi ABŞ Mərkəzi Komandanlığına (CENTCOM) “təşəkkür edib”.
Yeniavaz.com xəbər verir ki, bu barədə o özünün “X” hesabında yazıb.
“Qonşularımızın ərazisindən xalqımıza qarşı, o cümlədən, duzsuzlaşdırma qurğusunu məhv etmək üçün HIMARS sistemlərini istifadə etdiyinizi etiraf etdiyiniz üçün CENTCOM-a təşəkkür edirəm.
Qüdrətli raketlərimiz intiqam alan zaman bu sistemləri məhv edərsə, heç kim şikayət etməməlidir”, - deyə Əraqçi bildirib.
Qeyd edək ki, daha əvvəl CENTCOM məlumat yayaraq, “ABŞ Ordusunun Yüksək Hərəkətli Artilleriya Raket Sistemlərinin (HIMARS) İran rejiminə qarşı döyüşdə misilsiz dərin zərbə qabiliyyətini təmin etdiyini” bildirib.