Aşpazı Neymarı məhkəməyə verdi

Aşpazı “Santos”un hücumçusu Neymarı məhkəməyə verib.
Yeniavaz.com xəbər verir ki, bu barədə “Metropoles” nəşri məlumat yayıb.
Nəşrin məlumatına görə, o, braziliyalı futbolçuya qarşı əmək müqaviləsinə əməl etmədiyinə görə məhkəmə iddiası qaldırıb.
Belə ki, qadın futbolçunun malikanəsində gündə orta hesabla 14 saatdan çox işləyib. Bununla da Neymar aşpazın onun gündə 10 saatdan çox işləməməsini nəzərdə tutan əmək müqaviləsini pozub. Bəzən o, braziliyalı oyunçunun dəvət etdiyi 150 qonağa yemək hazırlamaq üçün saat 23:00-dan və ya gecə yarısından sonra qalmalı olub. O, həmçinin ərzaqları boşaltmaq məcburiyyətində qalıb və bu da onda bel problemlərinə, həmçinin omba iltihabına səbəb olub.
İddiaçı təxminən 43 000 avro məbləğində ödəniş tələb edir. Bu məbləğə cərimələr, əlavə iş saatları və buraxılmış fasilələr üçün ödəniş, mənəvi zərər və sağlamlığa dəyən ziyana görə kompensasiya, eləcə də tibbi xərclər daxildir.