ABŞ Prezidenti Donald Tramp Yaxın Şərq münaqişəsi genişləndikcə İraqdakı İran kürd qüvvələrini İrana qarşı hücumlar etməyə təşviq edib.
Yeniavaz.com xəbər verir ki, bu barədə o, “Reuters”ə müsahibəsi zamanı danışıb.
“Düşünürəm ki, bunu etmək istəmələri çox gözəldir, mən buna tam razıyam”, - Tramp İran kürd qüvvələrinin İrana girmə ehtimalı ilə bağlı danışarkən bildirib.
“Təhlükəsizlik mənbələri bildirib ki, cümə axşamı günü İranın iki pilotsuz təyyarəsi İraq Kürdüstanındakı İran müxalifət düşərgəsini hədəf alıb.
Məsələdən xəbərdar olan üç mənbəyə görə, İran kürd silahlı dəstələri son günlərdə ölkənin qərb hissəsindəki İran təhlükəsizlik qüvvələrinə hücum edib-etməmək və necə hücum etməmək barədə ABŞ ilə məsləhətləşmələr aparıblar.
İraq Kürdüstanının yarı-muxtar bölgəsində, İran-İraq sərhədində yerləşən İran kürd qruplaşmaları, ABŞ və İsrailin İran hədəflərini bomba və raketlərlə vurduğu bir vaxtda, ölkə ordusunu zəiflətmək ümidi ilə belə bir hücum təşkil etmək üçün təlim keçirib”, - nəşr yazır.
Tətbiqimizi yükləyə bilərsiniz
