Turistlər Şuşada adambaşına 188, Ağdərədə isə 28 manat xərcləyiblər – Siyahı

Ötən il işğaldan azad olunan rayonlara turizm məqsədilə 954 min 808 nəfər Azərbaycan vətəndaşı səfər edib.
Yeniavaz.com açıqlanan rəsmi məlumatlara istinadən xəbər verir ki, yerli turistlər ən çox Şuşa rayonuna gediblər.
Ötən il Şuşaya 245 min 863 yerli turist səfər edib.
Qeyd edək ki, işğaldan azad olunan rayonlara səfər edən turistlər ümumilikdə 109 milyon 322,9 min manat xərcləyiblər. Turistlərin ən çox Şuşada, ən az isə Ağdərədə xərcləri çıxıb. Şuşada adambaşına düşən xərc 188,4 manat, Ağdərədə isə 27,6 manat olub.
Şuşa şəhəri istisna olmaqla digər rayonlara səfər edənlər ən çox qidalanmaya pul xərcləyiblər. Yalnız Şuşada yerləşmə (otel, ev və s.) xərci qidalanma xərcindən çox olub. Turistlərin Şuşada xərclədikləri vəsaitin 22,3 milyon manatı yerləşməyə, 12,6 milyon manatı qidalanmaya, 2,1 milyon manatı nəqliyyata, 1,1 milyon manatı isə turizm zərflərinin alınmasına sərf olunub.
Onu da bildirək ki, ötən il Qubadlı və Kəlbəcər rayonlarına yerli turist səfər etməyib.
Ötən il işğaldan azad olunan rayonlara turizm məqsədilə səfər edənlərin sayı və xərclədikləri vəsait belə olub:


Elnur Əli