İlin ən yaxşı idmançısı adına namizədlər açıqlandı

“Laureus” Dünya İdman Akademiyası İlin İdmançısı mükafatına namizədləri açıqlayıb.
Yeniavaz.com xəbər verir ki, mükafatlandırma mərasimi aprelin 20-si Madriddə keçiriləcək.
“İlin kişi idmançısı”: Arman Dyuplantis (atletika), Karlos Alkaraz, Yannik Sinner (hər ikisi tennis), Usman Dembele (futbol), Mark Markes (motosiklet), Tadey Poqaçar (velosiped sürmə).
“İlin qadın idmançısı”: Arina Sabalenka (tennis), Aytana Bonmati (futbol), Melissa Jefferson-Vuden, Feyt Kipyeqon, Sidnei Maklaflin-Levron (atletika), Keti Ledeki (üzgüçülük).
“İlin komandası”: İngiltərə qadın milli futbol komandası, Avropa qolf komandası, Hindistan qadın kriket komandası, Makaren Formula 1 komandası, Oklahoma City Thunder basketbol klubu və Paris Saint-Germain futbol klubu.
“İlin uğuru”: Dezire Due (futbol), Joao Fonseca (tennis), Şey Gilces-Aleksander (basketbol), Lyuk Littler (darts), Lando Norris (avtomobil yarışları) və Yu Zidi (üzgüçülük).