Meksika prezidenti Maskı məhkəməyə verə bilər

Meksika Prezidenti Klaudiya Şeynbaum liderin kartellərlə əlaqələri ilə bağlı şərhlərinə görə amerikalı sahibkar İlon Maskı məhkəməyə verə bilər.
Yeniavaz.com xəbər verir ki, bu barədə Şeynbaum jurnalistlərə bildirib.
“Vəkillər bununla məşğul olurlar”, - Meksika lideri bildirib.
Qeyd edək ki, Mask sosial mediada şərhində yazıb ki, Şeynbaum sadəcə kartel rəhbərlərinin ona dediklərini təkrarlayır.
Meksikanın Xalisko ştatında ölkənin ən güclü narkotik kartellərindən biri olan “Xalisko Yeni Nəsil” təşkilatının lideri Nemesio Oseguera Servantes (El Menço) təhlükəsizlik qüvvələri tərəfindən keçirilən xüsusi əməliyyat zamanı öldürülüb. Onun ölüm xəbərindən sonra Xaliskoda və ən azı səkkiz digər ştatda iğtişaşlar başlayıb: kartel üzvləri yolları bağlayıb, maşınları yandırıb və mağazaları talan ediblər. Hakimiyyət orqanları gücləndirilmiş təhlükəsizlik tədbirləri tətbiq edib və Qvadalaxara və Puerto Vallarta hava limanları müvəqqəti olaraq bağlanıb. ABŞ səfirliyi amerikalıları sığınacaq tapmağa çağırıb.