Venesuelada 177 məhbus azadlığa buraxıldı

Venesuelada demokratların birgə yaşaması üçün amnistiya Qanunu qüvvəyə mindikdən bəri 177 məhbus azadlığa buraxılıb.
Yeniavaz.com xəbər verir ki, bu barədə “Venezolana de Television” kanalında amnistiya qanununun icrasına nəzarət üzrə xüsusi komissiyanın sədri Xorxe Arriaza bildirib.
“Bu gün deyə bilərik ki, amnistiya qanunu sayəsində 177 məhbus azadlığa buraxılıb və 2021 məhbusun hüquqi məhdudiyyətləri tamamilə aradan qaldırılıb”, -  Arriaza deyib.
O, həmçinin qeyd edib ki, 2025-ci ilin dekabrında və 2026-cı ilin yanvarında 800-dən çox məhbus azadlığa buraxılıb.
Milli barışığı və sülhü təşviq etmək məqsədi daşıyan ümumi amnistiya təşəbbüsü yanvarın sonlarında Venesuelanın müvəqqəti prezidenti Delsi Rodrigez tərəfindən elan edilib. Qanun 1 yanvar 1999-cu ildən bu günə qədər olan dövrü əhatə edir. Bəşəriyyətə qarşı ağır cinayətlərdə, insan hüquqlarının pozulmasında, qəsdən adam öldürmədə, korrupsiyada və narkotik qaçaqmalçılığında məhkum edilmiş şəxslər amnistiyaya düşə bilməzlər.