Trampın Çinə səfər tarixi açıqlandı

ABŞ Prezidenti Donald Trampın Çinə səfəri 31 mart - 2 aprel tarixlərində baş tutacaq.
Yeniavaz.com xəbər verir ki, bu barədə “Reuters” agentliyi Ağ Ev mətbuat xidmətinə istinadla məlumat yayıb.
ABŞ Prezidenti bu yaxınlarda yazda Çinə səfər etmək niyyətini təsdiqləyərək, Çin Prezidenti Si Cinpinlə görüşməyi səbirsizliklə gözlədiyini qeyd edib. O, ABŞ-nin hazırda Çinlə çox yaxşı münasibətlərinin olduğuna əminliyini ifadə edib. O, həmçinin Si Cinpinlə şəxsi münasibətlərini də “çox yaxşı” adlandırıb.
Ümumilikdə, ABŞ və Çin liderlərinin 2026-cı ildə dörd üzbəüz görüş keçirə biləcəyi bildirilir.
Bunlara Trampın Çinə planlaşdırılan səfəri, Vaşinqtonda və ya Amerika liderinin Florida ştatının Vest Palm Biç yaxınlığındakı Mar-a-Laqo malikanəsində keçiriləcək potensial görüşü, Mayamidə keçiriləcək G20 sammiti və ABŞ Prezidentinin Şençjendə keçiriləcək APEC sammitinə mümkün səfəri daxildir.