Fransanın PSJ klubu məhkəmənin qərarına əsasən, “Real Madrid” hücumçusu Kilian Mbappeyə borclu qalan 6 milyon avrodan 4 milyon avrosunu köçürüb, lakin tərəflər arasındakı maliyyə mübahisəsi hələ də həll olunmayıb.
Yeniavaz.com xəbər verir ki, bu barədə “L'Équipe” məlumat yayıb.
Mənbələrə görə, məhkəmə icraçılarının ziyarətindən sonra Paris klubu keçmiş hücumçuya qismən ödəniş edib. Əmək məhkəməsi əvvəllər PSJ-yə oyunçuya ödənilməmiş əmək haqqı, bonuslar və hesablanmış faizlər daxil olmaqla 60,9 milyon avro kompensasiya ödəməyi əmr edib. Əsas məbləğ daha əvvəl köçürülmüşdü, lakin 2 milyon avro fərq hələ də mübahisəlidir. Klub oyunçuya tam ödəniş etdiyini israr edir.
Qeyd edək ki, mübahisə Mbappenin 2024-cü ilin yayında “Real Madrid”ə pulsuz transferindən sonra yaranıb. Danışıqlar davam edir və əlavə məhkəmə müdaxiləsi istisna edilə bilməz.
Tətbiqimizi yükləyə bilərsiniz
