“Tramp İran məsələsində səbrini itirməyə başlayır” − “Axios”

“ABŞ-nin İrana qarşı qarşıdakı həftələrdə hərbi əməliyyat keçirmə ehtimalı 90%-dir”.
Yeniavaz.com xəbər verir ki, bunu ABŞ Prezidenti Donald Trampın adı açıqlanmayan müşaviri “Axios”a bildirib.
“Lider səbrini itirməyə başlayır. Onun yaxın çevrəsindəki bəzi insanlar onu İranla müharibədən çəkindirir, amma düşünürəm ki, yaxın bir neçə həftə ərzində hərbi əməliyyatların baş vermə ehtimalı 90%-dir”, - o bildirib.
Adı açıqlanmayan İsrail rəsmiləri nəşrə bildiriblər ki, İsrail hökuməti İranda rejim dəyişikliyinə yönəlmiş maksimalist ssenariyə üstünlük verərək qarşıdakı günlərdə müharibəyə hazırlaşır. Amerika mənbələri bununla razılaşmır: bəziləri zərbələrin bir neçə həftə ərzində baş verə biləcəyini, digərləri isə daha qısa müddət ərzində baş verə biləcəyini düşünür.