“Nestle”nin səhmləri kəskin ucuzlaşdı – Uşaq qidası qalmaqalına görə

“Nestlé” şirkətinin səhmləri uşaq qidalarının zərərli bakteriyalarla çirklənməsi ilə bağlı qalmaqala görə, səkkiz ilin ən aşağı səviyyəsinə düşüb.
Yeniavaz.com xəbər verir ki, bu barədə “Bloomberg” agentliyi məlumat yayıb.
Məlumata görə, 2022-ci illə müqayisədə şirkətin səhmlərinin 38% ucuzlaşıb.
“Nestlé”nin əsas rəqibləri “Danone” və “Unilever”in səhmləri isə müvafiq olaraq 32% və 28% artıb.
Agentlik qeyd edir ki, qalmaqal şirkətin satışlarının davamlı azalmasına və istehsal xərclərinin artmasına səbəb olub.
Xüsusilə, “Purina”, “Nespresso” və “KitKat” brendləri altında istehsal olunan məhsullar mənfi göstəricilərə məruz qalıb.
Qeyd edək ki, “Nestlé” zərərli bakteriyalarla çirklənməsi, həmçinin, ürəkbulanmaya səbəb olan toksinlərin olması ehtimalına görə, 25 ölkədə SMA, BEBA və NAN da daxil olmaqla bir neçə uşaq qidası partiyasının geri çağırıldığını elan edib. “Nestlé” daha sonra geri çağırılan məhsulların heç birində infeksiya və ya simptom aşkarlanmadığını iddia edib.