ABŞ Prezidenti Donald Trampın uzun müddətdir etibarlı adamı olan və hazırda ABŞ-nin Türkiyədəki səfiri və Suriya üzrə xüsusi nümayəndəsi vəzifəsində çalışan Tomas Barak, Epşteyn 2008-ci ildə yetkinlik yaşına çatmayanlara qarşı cinsi cinayətlərdə ittiham edildikdən sonra belə, illərdir Ceffri Epşteynlə müntəzəm olaraq sıx əlaqə saxlayıb.
Yeniavaz.com xəbər verir ki, bu barədə ABŞ Ədliyyə Nazirliyi tərəfindən bu yaxınlarda dərc edilmiş sənədlərdən 100-dən çox mətn mesajı və elektron poçtu təhlil edən “CBS News” məlumat yayıb.
Yazışmalara görə Barak, Epşteynin cinayətkar keçmişi barədə məlumatlar geniş yayılsa da, onunla sosial əlaqələrini qoruyub.
“Onların münasibətləri Barak Trampın 2016-cı il kampaniyası üçün fəal şəkildə vəsait toplamağa başlamasında, daha sonra andiçmə komitəsinə rəhbərlik etməsindən sonra, həmçinin o, tez-tez Ağ Evə baş çəkərkən də davam edib”, - deyə nəşr yazır.
Tətbiqimizi yükləyə bilərsiniz
