Bu dəfə Cenevrədə görüşəcəklər

ABŞ nümayəndə heyəti 17 fevralda Cenevrədə Ukrayna ilə bağlı danışıqlarla yanaşı, İranla bağlı diplomatik məsləhətləşmələr aparmağı planlaşdırır.
Yeniavaz.com xəbər verir ki, bu barədə “Reuters” agentliyi mənbəyə istinadla məlumat yayıb.
Agentliyin məlumatına görə, ABŞ Prezidenti Donald Trampın xüsusi nümayəndəsi Stiven Uitkoff və sahibkar Cared Kuşner evralın 17-si səhər İran nümayəndələri ilə ikitərəfli danışıqlar aparacaq, günortadan sonra isə Rusiya və Ukrayna nümayəndə heyətləri ilə üçtərəfli görüşdə iştirak edəcəklər.
Qeyd edək ki, fevralın 14-də Rusiya Prezidentinin mətbuat katibi Dmitri Peskov Ukraynadakı münaqişənin həlli ilə bağlı danışıqların növbəti mərhələsinin 17-18 fevral tarixlərində Cenevrədə üçtərəfli Rusiya-Amerika-Ukrayna formatında keçiriləcəyini elan etmişdi. O, İsveçrənin bütün tərəflər üçün məqsədəuyğunluğu baxımından irəli sürüldüyünü bildirmişdi.