ABŞ Müdafiə Nazirliyi Venesuela prezidenti Nikolas Maduronu və həyat yoldaşı Siliya Flores Maduronu ələ keçirmək üçün əməliyyat zamanı süni intellekt modelindən istifadə edib.
Yeniavaz.com xəbər verir ki, bu barədə “The Wall Street Journal” (WSJ) mənbələrə istinadla məlumat yayıb.
Məlumata görə, ABŞ ordusu əməliyyat üçün “Anthropic” şirkətinin “Claude” süni intellekt modelindən istifadə edib.
Süni intellekt modelindən əsasən əməliyyatın təşkili ilə bağlı məlumatların hazırlanmasında istifadə olunub.
Həmçinin, ABŞ ordusu “Claude”dan təkcə Venesuela prezidentinin və həyat yoldaşının ələ keçirilməsində deyil, o cümlədən Karakasdakı bir neçə hədəfin bombalanmasında da istifadə edib.
Qeyd edək ki, yanvarın 3-də ABŞ qüvvələri Venesuela paytaxtına və Karakas ətrafındakı hərbi obyektlərə bir sıra hava hücumları təşkil edib. Daha sonra Ağ Ev Cənubi Amerika respublikasının lideri Nikolas Maduronu və həyat yoldaşı Siliya Flores Maduronu ələ keçirildiyini elan edib.
Tətbiqimizi yükləyə bilərsiniz
