“Windows 11”də “Notepad” redaktoruna əlavə edilmiş yeniləmə əməliyyat sistemində ciddi təhlükəsizlik problemi yaradıb.
Yeniavaz.com xəbər verir ki, bu barədə “TechSpot” məlumat yayıb.
Bildirilib ki, fevral ayının ikinci həftəsində “Microsoft” “Windows”, “Microsoft Office”, “Azure” və digər xüsusi xidmətlər üçün 59 yeniləmə buraxıb. Yeniləmə 25 imtiyaz artımı zəifliyini, eləcə də 12 uzaqdan kod icrası zəifliyini aradan qaldırır. Bundan əlavə, yeniləmə siyahısına quraşdırılmış “Notepad” mətn redaktorundakı kritik bir zəifliyi düzəltmək üçün nəzərdə tutulmuş yeniləmə daxil olub.
Problem süni intellekt (Sİ) xüsusiyyəti ilə əlaqəlidir. “Microsoft” mühəndislərinin məlumatına görə, təcavüzkarlar istifadəçiləri “Markdown” faylındakı zərərli linki basmağa vadar etmək və təhlükəli protokolları işə salmaq üçün bundan istifadə edə bilərdilər.
“Notepad”a əlavə olaraq, Sİ xüsusiyyətləri “Paint”, “Photos”, “Snipping Tool” və digər quraşdırılmış “Windows” tətbiq və xidmətlərində də mövcuddur.
Tətbiqimizi yükləyə bilərsiniz
