ABŞ administrasiyası dünyanın aparıcı geyim və ayaqqabı şirkətlərindən biri olan “Nike” şirkətinə qarşı araşdırma başladıb.
Yeniavaz.com xəbər verir ki, bu barədə BBC məlumat yayıb.
Bildirilib ki, ABŞ Bərabər Məşğulluq İmkanları Komissiyası (EEOC) “Nike” şirkətindən 2018-ci ilə aid korporativ sənədlər tələb edib.
Tələb olunan materiallar arasında irq və etnik mənsubiyyət məlumatlarından istifadə ilə bağlı məlumatlar, eləcə də bu məlumatların şirkətin yüksək vəzifəli rəhbərlərinin maaşlarına təsir edib-etməməsi ilə bağlı sənədlər var.
Bundan əlavə, EEOC 2024-cü ildə işdən çıxarılacağı düşünülən və ya işdən çıxarılan bütün “Nike” işçilərinin şəxsi məlumatlarını tələb edib.
Komissiya bildirib ki, araşdırma təxminən 13 ay əvvəl Ağ Evin Baş Qərargah rəisinin müavini Stiven Millerin rəhbərlik etdiyi qeyri-kommersiya təşkilatı olan “America First Legal” tərəfindən 2024-cü ildə verilən şikayət əsasında başlayıb. Məhkəmə sənədlərində həmçinin qeyd olunur ki, “Nike” şirkətinin öhdəliklərini yerinə yetirməməsi qanunsuz məşğulluq təcrübələri iddiaları ilə bağlı araşdırmanın gecikməsinə və maneələnməsinə səbəb olub.
İstintaq şirkətin ağdərili işçilərə, işə müraciət edənlərə və təlim proqramı iştirakçılarına fərqli davranması ilə bağlı iddiaları araşdırır. Öz növbəsində, “Nike” rəhbərliyi məsələ ilə bağlı verdiyi açıqlamada ədalətli və qanuni məşğulluq təcrübələrinə sadiqliyini vurğulayaraq, istintaqı gözlənilməz və qeyri-adi adlandırıb.
Tətbiqimizi yükləyə bilərsiniz
