Tramp cənnətə düşməyə ümid edir

ABŞ Prezidenti Donald Tramp cənnətə düşməyə ümid edir.
Yeniavaz.com xəbər verir ki, o, bunu Vaşinqtonda keçirilən Milli Dua Səhər Yeməyi mərasimində deyib.
“Yalançı media heç vaxt mənə ədalətli yanaşmır. Keçən dəfə çox yaxşı vaxt keçirdim. 60.000 nəfərlik bir tədbirimiz oldu və mən heç vaxt cənnətə düşməyəcəyəm dedim. Gülməli olmağa çalışırdım. Onlarla istehza ilə danışmaq olmaz, çünki onlar sizin sözlərinizi yazacaqlar və insanlar onları tamamilə fərqli oxuyacaqlar. Mən cənnətə layiq olmadığımı dedim. “The New York Times” qəzeti isə məqaləsində yazıb: “Donald Tramp həyatı və onun mənası haqqında düşünür”. Xeyr, mən sadəcə əylənirdim. Əslində, düşünürəm ki, bəlkə də cənnətə düşməliyəm. Yəni, mən mükəmməl namizəd deyiləm, amma mükəmməl insanlar üçün çox yaxşı işlər görmüşəm”, - o bildirib.
Xatırladaq ki, ötən ilin avqust ayında “Fox News”a verdiyi müsahibədə Tramp cənnətə getməyə ümid etdiyini söyləmişdi, baxmayaraq ki, “çox yaxşı iş görmür”. O, Ukraynadakı münaqişəyə son qoymaq səylərinin buna töhfə verəcəyinə ümid etdiyini qeyd etmişdi.