“Xamenei çox narahat olmalıdır” – Tramp

ABŞ Prezidenti Donald Tramp İranın Ali Lideri Ayətullah Əli Xameneinin ABŞ ilə artan gərginlik fonunda “ciddi narahat olmalı” olduğu barədə xəbərdarlıq edib.
Yeniavaz.com xəbər verir ki, o bu barədə “NBC News”a müsahibəsi zamanı danışıb.
“O, çox narahat olmalıdır. Bəli, narahat olmalıdır. O ölkə hazırda bizim ucbatımızdan çox pis vəziyyətdədir. Biz onların nüvə infrastrukturunu məhv etdik. Əgər onların nüvə silahlarını məhv etməsəydik, Yaxın Şərqdə sülh olmazdı, çünki ərəb ölkələri bunu heç vaxt edə bilməzdilər. Onlar İrandan çox, çox qorxurdular. Artıq İrandan qorxmurlar”, - deyə Tramp bildirib.
ABŞ lideri əlavə edib ki, ona İranın alternativ yerlərdə nüvə proqramını yenidən başlatmağı düşündüyü deyilib:
“Onlar ölkənin başqa bir hissəsində yeni bir obyekt tikməyi müzakirə edirdilər. Biz bu barədə məlumat əldə etdik. Dedim ki, bunu etsəniz, sizə zərər verəcəyik”.