Britaniya kralı yenidən oğlu ilə görüşməkdən imtina etdi

Böyük Britaniya Kralı III Çarlz növbəti dəfə kiçik oğlu şahzadə Harri ilə görüşməkdən imtina edib.
Yeniavaz.com xəbər verir ki, bu barədə “Daily Star” qəzeti Bukinqem Sarayındakı mənbələrə istinadən məlumat yayıb.
Bildirilib ki, şahzadə Harri “Daily Mail” qəzetinin naşiri olan “Associated Newspapers”ə qarşı məhkəmə prosesində iştirak etmək üçün ABŞ-dən Londona gəlib. O, qəzeti şəxsi həyatın toxunulmazlığını pozmaqda və qanunsuz olaraq şəxsi məlumat toplamaqda ittiham edir.
Bu arada, kralın xərçəng müalicəsini davam etdirmək üçün Şotlandiyadan Britaniya paytaxtına getməsi planlaşdırılır. Mənbələrə görə, III Çarlzın oğlu ilə görüşmək üçün vaxtı olmayıb.
Qeyd edək ki, yanvarın 5-i şahzadə Harrinin atasının ABŞ-dəki nəvələri ilə görüşməsini istədiyi bildirilib. Aprel ayında III Çarlzın ABŞ Prezidenti Donald Tramp tərəfindən dayandırılmış ticarət müqaviləsini yeniləmək üçün ABŞ-yə səfər etməsi planlaşdırılır.
Şahzadə Harrinin dostlarının sözlərinə görə, o, Kralın cədvəlində Montesitodakı evində onu ziyarət etmək üçün vaxt tapmasını istəyir. Sasseks hersoqu III Çarlzın nəvələri - altı yaşlı Arçi və dörd yaşlı Lilibet ilə vaxt keçirməsini istəyir.