“Xiaomi” SU7 batareyalı sedanın dözümlülük testinin nəticələrini açıqlayıb.
Yeniavaz.com xəbər verir ki, elektrik avtomobili 24 saat ərzində 4264 kilometr yol qət edib, yalnız enerji doldurmaq üçün dayanıb.
Şirkət bu məsafəni rekord adlandırıb və SU7-nin ötən avqust ayında eyni rejimdə 3961 kilometr yol qət edən “Xpeng P7”dən üstün olduğunu bildirib.
Sınaq zamanı “Xiaomi SU7” 240 km/saat sürətə çatıb.
“Xiaomi EV” şirkətinin baş direktoru Ley Tsunun sözlərinə görə, hazırda istifadə olunan dartma batareyası doldurma sistemi cəmi 15 dəqiqədə 670 kilometrlik məsafəni qət etməyə imkan verən enerji ilə təmin edir.
Qeyd edək ki, texniki cəhətdən elektrik avtomobilləri bir gündə daha da uzağa gedə bilir. Məsələn, ötən ilin avqust ayında “Mercedes-AMG GT XX” 5479 kilometr yol qət edib. Lakin SU7 seriya elektrik avtomobilidir, amma “GT XX” hələki konsept hesab olunur.
Tətbiqimizi yükləyə bilərsiniz
