Futbol tarixinin ən çox titul qazanan məşqçilərindən biri olan ispaniyalı Xosep Qvardiola cari mövsümün sonunda İngiltərənin “Mançester Siti” futbol klubunun baş məşqçisi vəzifəsindən ayrıla bilər.
Yeniavaz.com xəbər verir ki, bu barədə jurnalist Ceyms Con sosial media səhifəsində məlumat yayıb.
O öz mənbəsinə istinadla bildirib ki, “Mançester Siti” rəhbərliyi Qvardiolanın klubdakı gələcəyi ilə bağlı danışıqlar aparır və qərarın komandanın mövsümün sonundakı nəticələrinə əsasən veriləcəyi gözlənilir.
Jurnalist həmçinin qeyd edib ki, “Mançester Siti” rəhbərliyi yanvarın 1-də “Çelsi”dən qovulmuş italiyalı məşqçi Enzo Mareskanın heyəti ilə əlaqə saxlayıb.
Qeyd edək ki, “Mançester Siti” 22 turdan sonra İngiltərə Premyer Liqasında 43-cü yerdədir və lider “Arsenal”dan yeddi xal geri qalır. Yanvarın 17-də “Şəhərlilər” səfərdə “Mançester Yunayted”ə qarşı vacib oyunda 2-0 hesabı ilə məğlub olub.
Tətbiqimizi yükləyə bilərsiniz
