Kolumbiya Prezidenti Qustavo Petro ABŞ Prezidenti Donald Trampla görüşünün 3 fevralda baş tutacağını açıqlayıb.
Yeniavaz.com xəbər verir ki, bu barədə ölkə başçısı kabinet iclasında məlumat verib.
“Respublika Nazirlər Şurası narkotik qaçaqmalçılığı məsələsini araşdırır ki, bu da, ABŞ və Kolumbiya, hökumətlər, prezidentlər arasında müzakirələri gücləndirib və nəticədə 3 fevralda Trampla görüş ehtimalına gətirib çıxarıb. Bu görüşün nəticələrinin nə olacağını görəcəyik, çünki bu, həlledici əhəmiyyət kəsb edir”, - Petro bildirib.
Prezidentin sözlərinə görə, onun əsas məqsədi ölkədə sosial və iqtisadi sabitliyi təmin etməkdir. O, hakimiyyətin ictimai asayişi qorumağa və Trampın ritorikasının əhali üçün mənfi nəticələrinin qarşısını almağa çalışdığını vurğulayıb.
Tətbiqimizi yükləyə bilərsiniz
