ABŞ Prezidenti Donald Tramp bildirib ki, ABŞ Qrenlandiyanı ələ keçirmək istəyir və buna bu və ya digər şəkildə nail olacaq.
Yeniavaz.com xəbər verir ki, o, bu açıqlamanı Ağ Evdə iri neft şirkətlərinin yüksək vəzifəli rəhbərləri ilə görüşdə verib.
Ağ Evdə jurnalistlərin suallarını cavablandırarkən o, hazırda Qrenlandiyanın hər hansı bir şəkildə satın alınmasını ciddi şəkildə nəzərdən keçirmədiyini açıqlayıb:
“Hələlik Qrenlandiya söhbətində puldan danışmıram. Bu barədə danışa bilərəm, amma hazırda Qrenlandiya ilə nəsə edəcəyik, istəsələr də, istəməsələr də. Çünki bunu etməsək. Rusiya və ya Çin Qrenlandiyanı ələ keçirəcək və biz Rusiya və ya Çinin qonşusu olmaq istəmirik. Bilirsiniz, asan yolla razılaşmaq istərdim. Amma bunu edə bilməsək, çətin yolu seçəcəyik”.
Ondan Qrenlandiyanın ABŞ-yə birləşmə məsələsini niyə xüsusi olaraq qaldırdığını izah etməsi istənildi, çünki Vaşinqton artıq adada və onu əhatə edən sularda demək olar ki, istənilən hərbi əməliyyatı həyata keçirmək imkanına malikdir:
“Çünki biz ona sahib olsaq onu qoruya bilərik. İcarəyə götürdüyünüz bir şeyi eyni şəkildə qorumursunuz. Siz ona sahib olmalısınız”.
Tətbiqimizi yükləyə bilərsiniz
