Rusiya Qara dənizdə iki gəmiyə hücum etdi − Suriya vətəndaşı həlak oldu

Rusiya silahlı qüvvələri Odessa bölgəsi yaxınlığında Qara dənizdə iki mülki gəmiyə hücum edib.
Yeniavaz.com xəbər verir ki, bu barədə Ukrayna Baş nazirinin müavini Oleksiy Kuleba məlumat yayıb.
Regional administrasiya rəhbəri Oleq Kiperin sözlərinə görə, Odessa limanı yaxınlığında Rusiya soya paxlası yükləyərkən Komor adaları bayrağı altında üzən yük gəmisinə hücum edib. Hücum nəticəsində Suriya vətəndaşı olan heyət üzvü həlak olub.
Çornomorsk limanı yaxınlığında Rusiya pilotsuz təyyarəsi Sent-Kits və Nevis bayrağı altında üzən mülki gəmiyə zərbə endirib. Kuleba bildirib ki, gəmi taxıl daşıyırdı. Regional administrasiyanın məlumatına görə, hücum zamanı ikinci köməkçi, Suriya vətəndaşı yaralanıb. Gəmi zərbədən sonra hərəkətdə qalıb və ən yaxın limana doğru irəliləyib.
2025-ci ilin noyabr ayında Ukrayna Qara dənizdə Rusiyanın “kölgə donanması”ndan olan tankerlərə hücum etməyə başlayıb. İlkin hücumlardan sonra Rusiya Prezidenti Vladimir Putin Rusiyanın Ukraynanı dənizdən “kəsmək” ilə hədələyib. O, həmçinin Rusiya Silahlı Qüvvələrinin, o cümlədən Ukraynanın müttəfiqlərinin gəmilərinə qarşı yeni zərbələr endirəcəyinə söz verib.