Tehran prokuroru Əli Salehi xəbərdarlıq edib ki, kütləvi iğtişaşlarda iştirak edən, əmlaka zərər verən və hüquq-mühafizə orqanlarının əməkdaşlarına atəş açan şəxslər “dövlətə qarşı üsyan” cinayət məcəlləsi ilə məsuliyyətə cəlb olunacaqlar.
Yeniavaz.com xəbər verir ki, bu barədə Salehi İranın dövlət televiziyasında danışıb.
“Məhkəmə sistemi üçün qırmızı xətt ölkə vətəndaşlarının təhlükəsizliyidir. Terrorçulara yanaşmamız çəkindirici olacaq və onlar üçün cəza dövlətə qarşı üsyan olacaq”, - Salehi deyib.
İran cinayət qanunvericiliyinə əsasən “dövlətə qarşı üsyan” əhalini qorxutmaq üçün silah istifadəsi kimi müəyyən edilir. Bu cinayətdə günahkar bilinən hər kəs edam cəzasına məhkum edilə bilər.
Tətbiqimizi yükləyə bilərsiniz
