İranın paytaxtında və digər şəhərlərində etiraz dalğası böyüyür.
Yeniavaz.com BBC-yə istinadla xəbər verir ki, bu, ruhani hakimiyyətinin əleyhdarlarının son illərdəki ən böyük güc nümayişi hesab olunur.
Bildirilir ki, cümə axşamı axşamı Tehranda və ikinci şəhər olan Məşhəddə dinc nümayişlər keçirilib və təhlükəsizlik qüvvələri tərəfindən dağıdılmayıb.
Sosial şəbəkələrdə yayılan kadrlarda etirazçıların İranın Ali Lideri Ayətullah Əli Xameneinin devrilməsini və tərəfdarlarını küçələrə çıxmağa çağıran mərhum keçmiş şahın sürgündəki oğlu Rza Pəhləvinin geri qayıtmasını tələb etdikləri eşidilir.
Ölkə miqyasında internetin kəsildiyi bildirilir.
Qeyd edək ki, İran valyutasının çöküşünə qarşı qəzəbdən qaynaqlanan etiraz dalğası İranın 31 əyalətinin hamısında 100-dən çox şəhər və qəsəbəyə yayılıb.
ABŞ-da yerləşən İnsan Haqları Fəaliyyətçiləri Xəbər Agentliyi (HRANA) beşi uşaq olmaqla azı 34 etirazçının və səkkiz təhlükəsizlik işçisinin öldürüldüyünü, 2270 etirazçının isə həbs olunduğunu bildirib.
Tətbiqimizi yükləyə bilərsiniz
