“İranda etirazların başlamasından 10 gün sonra Abdanan və Məlekşahi adlı iki şəhər etirazçıların nəzarətinə keçib”.
Yeniavaz.com xəbər verir ki, bu barədə İranın Milli Müqavimət Şurasına istinadən “Fox News” məlumat yayıb.
İran müxalifətinin xaricdəki sözçüsü Əli Səfəvi kanala deyib:
“Bu gün İranın qərbində iki şəhərdə ciddi hadisələr baş verib: onlar faktiki olaraq ələ keçirilib və insanlar küçələrdə bayram edirlər”.
Milli Müqavimət Şurasının prezidenti Məryəm Rəcəvi sosial şəbəkə hesabında küçələrə çıxan və onun sözlərinə görə, “cəza qüvvələrini geri çəkilməyə məcbur edən” insanları alqışlayıb.
Qeyd edək ki, Abdanan İranın qərbindəki İlam vilayətində, İraqla sərhədə yaxın ərazidə yerləşir, Məlekşahi isə ondan təxminən 100 kilometr məsafədədir.
Yerli medianın məlumatına görə, Abdanan etirazçılar tərəfindən tutulduqdan sonra polis də onlara qoşulmağa başlayıb. İranın mühacirətdə olan müxalifət lideri, ABŞ-də yaşayan Rza Pəhləvi etirazlara dəstək ifadə edib. Pəhləvi deyir ki, etirazçılar onun adını azadlıq çağırışları ilə yanaşı tərənnüm edirlər və buna görə də o yazır ki, “tiranlıqdan xalqın öz seçdiyi demokratik gələcəyə keçidi” idarə etməyə hazırdır.
İranın dövlət xəbər agentlikləri etirazçıların Abdanan və Məlekşahini ələ keçirdiklərini təkzib edir. “İrna” xəbər verir ki, polis Abdananda nümayişçiləri dağıtmaq üçün gözyaşardıcı qazdan istifadə edib, “Tasnim” isə əlavə edir ki, etirazçılar daha sonra “dağıldılar” və tezliklə şəhərin küçələrində “sülh və təhlükəsizlik” bərpa olundu.
Xatırladaq ki, dekabrın 28-dən bəri etirazlar İranın 31 vilayətindən ən azı 17-nə yayılıb. Xaricdə yerləşən İnsan Haqları Fəalları Xəbər Agentliyinin (HRANA) məlumatına görə, ölkədə 10 günlük etiraz aksiyalarında ən azı 36 nəfər – 34 etirazçı və iki SEPAH üzvü öldürülüb. HRANA xəbər verir ki, daha 2000-dən çox etirazçı həbs edilib.
🚨گزارشها از پیوستن نیروهای انتظامی به مردم معترض در آبدانان ایلام/بر اساس روایتهای میدانی منتشرشده، در جریان اعتراضات آبدانان ایلام نشانههایی از همراهی برخی نیروهای انتظامی با مردم معترض دیده شده است. pic.twitter.com/MKu3ia1kS5
— LiveIranNews (@IranNewsAgency0) January 6, 2026
🚨اینجا جهنم امشب جمهوری اسلامی/اینجا بروجرد است. بروجرد دلاور pic.twitter.com/LDEbjlofiY
— LiveIranNews (@IranNewsAgency0) January 7, 2026
Tətbiqimizi yükləyə bilərsiniz
