Venesuela Prezidenti Nikolas Maduronun saxlanıldığı Bruklin istintaq təcridxanasında bir neçə tanınmış şəxs, o cümlədən amerikalı reper Şon Kombs (Diddi) və “UnitedHealthcare” şirkətinin baş direktoru Brayan Tompsonu qətlə yetirməkdə ittiham olunan Luici Mancone saxlanılır.
Yeniavaz.com xəbər verir ki, bu barədə “ABC News” telekanalı məlumat yayıb.
Telekanalın məlumatına görə, həmçinin “Tekashi 6ix9ine” kimi tanınan amerikalı reper Deniel Ernandes də Venesuela prezidentinin saxlandığı Bruklin istintaq təcridxanasına yerləşdirilib.
Belə ki, Ernandes şərti azadlığa buraxılsa da, o, şərti azadlığa buraxılma qaydalarını pozduğuna görə üç ay həbs cəzasına məhkum edilib.
Telekanal bildirib ki, reper özü Bruklin istintaq təcridxanasına təslim olub.
Digər tərəfdən, “Tekashi 6ix9ine” TMZ portalına Maduro ilə həbsxanda rəqs etmək arzusunda olduğunu bildirib.
Tətbiqimizi yükləyə bilərsiniz
