ABŞ Prezidenti Donald Tramp Qrenlandiyanı əldə etmək üçün bir sıra variantları, o cümlədən hərbi qüvvələrdən istifadəni müzakirə edir.
Yeniavaz.com xəbər verir ki, bu barədə Ağ Evdən BBC-yə bildirilib.
Qeyd olunub ki, NATO üzvü olan Danimarkanın yarı-muxtar bölgəsi olan Qrenlandiyanın alınması “milli təhlükəsizlik prioriteti”dir.
Bu bəyanat, Avropa liderlərinin Trampın Arktika adası ilə bağlı ambisiyalarına qarşı çıxan Danimarkanı dəstəkləyən birgə bəyanat verməsindən bir neçə saat sonra verilib.
Tramp həftəsonu ABŞ-nin təhlükəsizlik səbəbləri ilə Qrenlandiyaya “ehtiyacı olduğunu” təkrarlayıb.
Danimarkanın Baş naziri Mette Frederiksen isə ABŞ-nin hər hansı hücumunun NATO-nun sonu olacağı barədə xəbərdarlıq edib.
Tətbiqimizi yükləyə bilərsiniz
