Ersoy narkotikdən istifadə etdiyini etiraf etdi

İstanbul Respublika Prokurorluğu tərəfindən aparılan narkotik istintaqı çərçivəsində həbs edilən “Habertürk”ün baş redaktoru Mehmet Akif Ersoy narkotik istifadə etdiyini etiraf edib​​​​​​​.
Yeniavaz.com xəbər verir ki, bu barədə “TRT Haber” məlumat yayıb.
Bildirilib ki, Ersoy həbsindən iki həftə sonra bu gün İstanbul Ədliyyəsinə gətirilib.
Təxminən 3 saat davam edən istintaq prokuroruna verdiyi ifadəsində Mehmet Akif Ersoy narkotik istifadə etdiyini etiraf edib və evdə keçirilən şənliklərdə yaşananları danışıb.
Narkotikdən istifadə etdiyi məhkəmə-tibbi ekspertiza rəyindən məlum olan Ersoy istintaqa məlum olmayan yeni məlumat vermədiyi üçün yenidən həbs edilərək həbsxanaya göndərilib.