Moskva və Bütün Rusiyanın Patriarxı Kirill Rusiya Xarici İşlər Nazirliyinin rəsmi nümayəndəsi Mariya Zaxarovanın cəmiyyətdə mənəvi dəyərlərin qorunmasında mühüm rol oynadığını bildirib.
Yeniavaz.com “RİA Novosti”yə istinadən xəbər verir ki, Patriarx Kirill bu fikirləri Mariya Zaxarovaya II dərəcəli Müqəddəs Böyük Hersoq Aleksandr Nevski ordeninin təqdim olunması mərasimində səsləndirib. Mükafatlandırma mərasimi bazar günü Xilaskar Məsih Katedralında Patriarx Kirillin rəhbərliyi ilə keçirilən İlahi Liturgiyadan sonra baş tutub və Spas telekanalı vasitəsilə canlı yayımlanıb.
Mərasim zamanı Patriarx Kirill qeyd edib ki, sadiq xristian olan Mariya Zaxarova öz əqidəsinə daim sadiq qalıb və fəaliyyəti ilə bir çox insanın diqqətini Allaha yönəltməsinə töhfə verib. Patriarx Kirill Zaxarovaya ordeni “cəmiyyətdə ənənəvi dəyərlərin qorunmasına verdiyi töhfəyə və 24 dekabrda qeyd etdiyi 50 illik yubileyi münasibətilə” təqdim edib.
Tətbiqimizi yükləyə bilərsiniz
