“Fənərbağça” İdman Klubunun prezidenti Sadettin Saran İstanbul Respublika Baş Prokurorluğunun apardığı narkotik araşdırması çərçivəsində sərbəst buraxılıb.
Yeniavaz.com xəbər verir ki, bu barədə Türkiyə mətbuatı məlumat yayıb.
Bildirilib ki, xaricdə olan Saran gecə saatlarında İstanbula qayıdıb.
O, səhər saatlarında Çağlayandakı İstanbul Ədliyyəsinə gedərək təxminən 2 saat 15 dəqiqə istintaqı aparan dövlət ittihamçısına ifadə verib. İstintaq materialında Sarana qarşı “narkotik maddələrin istifadəsinə şərait yaradılması” ittihamı yer alıb.
Saran prokurorluqda dindirildikdən sonra saç və qan nümunələrinin götürülməsi üçün Ədliyyə Tibb Təşkilatına göndərilib. Prosedurlar başa çatdıqdan sonra Saran yenidən məhkəmə binasına gətirilib. Araşdırma davam etdiyi üçün Sarana xaricə səfər qadağası qoyulub.
Tətbiqimizi yükləyə bilərsiniz
