Mourinyo 750 qələbəsindən danışdı

Əfsanəvi portuqaliyalı baş məşqçi Joze Mourinyo məşqçilik karyerasında 750 qələbə qazanmasını şərh edib.
Yeniavaz.com xəbər verir ki, dünən Portuqaliya Kubokunun 1/8 final mərhələsində “Benfika”nın “Farense” üzərində 2:0 hesablı qələbəsi 750-ci qələbə olub.
“750 qələbə. Ən önəmlisi hansıdır? Ən birincisi? “Belenenses” üzərində “Benfika”? Çempionlar Liqasında “Monako” üzərində “Porto”? Çempionlar Liqasının ikinci finalında “İnter” “Bayern” üzərində? Bugünkü “Farense” və “Benfika” matçı? Xeyr! Növbəti, 751-ci. Gəlin növbəti üzərində işləyək!”, - Mourinyo deyib.
Portuqaliyalı məşqçi məşqçilik karyerası ərzində iki dəfə “Benfika” və “Çelsi” də daxil olmaqla 10 klubu idarə edib. O, 26 kubok qazanıb və dörd dəfə İlin Klub məşqçisi seçilib.