Çin dünyanın ən ucuz insanabənzər robotunu təqdim etdi − “iPhone” qiymətinə

Çinin “Songyan Power” şirkəti münasib qiymətli insanabənzər robot “Bumi”ni təqdim edib.
Yeniavaz.com xəbər verir ki, qiyməti 9998 yuan (təxminən 1400 dollar) olan bu robot bazarda ən ucuz insanabənzər robotdur.
Satışlar 2026-cı ilin yanvarında başlayacaq və bu, insanabənzər robotların kütləvi şəkildə yayılması üçün əsl hadisə ola bilər.
“Bumi”, təxminən 1,5-1,7 metr hündürlüyündə (dəqiq ölçüləri hələ açıqlanmayıb) tam ölçülü insanabənzər robotdur. O, yeriyə, qaça, rəqs edə, səsli əmrlərə cavab verə və sadə tapşırıqları yerinə yetirə bilər. Proqramlaşdırma robototexnika haqqında dərin bilik tələb etməyən intuitiv interfeys vasitəsilə həyata keçiriləcək. İstehsalçı təhsil və ev işlərində istifadəni vurğulayır: robot uşaqlara ev tapşırıqlarında kömək edə, əyləndirə və ya əsas məişət tapşırıqlarını yerinə yetirə bilər.
Əsas üstünlük qiymətdir. Müqayisə üçün qeyd edək ki, “Tesla”nın “Optimus”unun istehsalı 20-30 min dollara başa gəlir, “Agility Robotics”in “Digit”i isə təxminən 250.000 dollara.