PSJ Mbappeyə 61 milyon ödəyəcək − Məhkəmə qərarı

Paris Əmək Məhkəməsi “Paris Saint-Germain” klubunu keçmiş forvard Kilian Mbappeyə 61 milyon avro təzminat ödəməyə qərar verib.
Yeniavaz.com xəbər verir ki, bu barədə AFP məlumat yayıb.
Məhkəmə Mbappenin 2024-cü ildə başa çatan köhnə müqaviləsinə əsasən klubun bonusları və maaşlarını ödəmədiyinə görə təzminat təyin edib. Arbitrlər müdafiə tərəfinin müddətli müqavilələrin daimi müqavilələr kimi təsnifləşdirilməsi ilə bağlı arqumentlərini rədd edib. PSJ-nin 440 milyon avroluq iddiası tam olaraq rədd edilib.
26 yaşlı Mbappe 2018-2024-cü illərdə PSJ-də çıxış edib. 3 iyun 2024-cü ildə hücumçu “Real Madrid”lə pulsuz transfer imzalayıb. Mbappe PSJ-nin bütün zamanların ən yaxşı bombardiridir. Komanda ilə futbolçu beş Fransa çempionluğu, üç Fransa Kuboku və Super Kuboku və iki Liqa Kuboku qazanıb. Mbappe Fransa millisi ilə 2018-ci ildə Rusiyada keçirilən dünya çempionatının qalibi, 2022-ci ildə Qətərdə keçirilən dünya çempionatında isə gümüş medal qazanıb.