"Real Sosyedad" baş məşqçisini istefaya göndərdi

İspaniyanın “Real Sosyedad” futbol klubu ispaniyalı baş məşqçisi Serxio Fransiskonu vəzifəsindən azad edib.  
Yeniavaz.com xəbər verir ki, bu barədə klubun mətbuat xidməti məlumat yayıb.
Yeni ilə qədər baş məşqçi vəzifəsini İon Ansoteqi icra edəcək.
Qeyd edək ki, 46 yaşlı Fransisko 2025-ci ilin aprel ayından bəri klubu idarə edir.
Oyunçu karyerası ərzində o, “Real Sociedad”ın ikinci komandasında, eləcə də İspaniyanın “Ximnastik”, “Real Union” və “Lodio” klublarında oynayıb.
Xatırladaq ki, “Real Sociedad” hazırda İspaniya liqasında 16 turdan sonra 16 xalla 15-ci yerdədir. Klubun növbəti oyunu dekabrın 20-də səfərdə “Levante” ilə olacaq.