Türkiyədə İmamoğluya dəstək üçün 25,1 milyon səs toplanıldı

Türkiyə müxalifəti həbsdə olan İstanbul bələdiyyə sədri Əkrəm İmamoğlunun prezidentliyə namizəd olması üçün 25 milyondan çox səs toplayıb.
Yeniavaz.com xəbər verir ki, bu barədə ana müxalifətdəki Cümhuriyyət Xalq Partiyasının (CHP) lideri Özgür Özəl məlumat verib.
“İlk dəfədir ki, prezidentliyə namizəd olaraq İmamoğluna dəstək üçün 25,1 milyon səs topladığımızı elan edirəm”, o, Türkiyənin Kayseri şəhərində keçirilən mitinqdə deyib.
Özəl daha əvvəl İmamoğlunun azadlığa buraxılması və prezidentliyə namizədliyini dəstəkləmək üçün 20 milyondan çox imza topladığını bildirmişdi. İyun ayında müxalifət lideri İmamoğluna dəstək üçün 27 milyondan çox səs toplayacağını vəd etmişdi ki, bu da hazırkı Prezident Rəcəb Tayyib Ərdoğanın 2023-cü il seçkilərində aldığı səslə eynidir.
Xatırladaq ki, İmamoğlu martın sonlarında İstanbul meriyasında korrupsiya ittihamı ilə saxlanılıb və daha sonra həbs edilib. Onun məhkəməsi 2026-cı il martın 9-da başlayacaq. İşdə 105 müttəhim iştirak edir. Prokurorluq keçmiş merə 2352 ilə qədər həbs cəzası tələb edir.