Xəbər verdiyimiz kimi, ötən gün AXCP sədri Əli Kərimli və və partiyanın rəyasət heyətinin üzvü Məmməd İbrahimin evlərində Dövlət Təhlükəsizliyi Xidməti (DTX) tərəfindən axtarış aparılması, daha sonra onların DTX-yə aparılaraq orada dindirilmələri barədə yerli KİV-də məlumat yayılıb. Daha sonra partiyanın funksionerləri məlumatı təsdiqləyiblər.
Yeniavaz.com xəbər verir ki, APA Əli Kərimli və Məmməd İbrahimin Prezident Administrasiyasının sabiq rəhbəri, AMEA-nın keçmiş prezidenti Ramiz Mehdiyevlə bağlı DTX-də davam edən cinayət işi üzrə artıq şübhəli şəxs qismində istintaqa cəlb edildiklərini yazıb.
Agentliyin məlumatına görə, hələlik onlara ittiham elan olunmayıb.
Xatırladaq ki, bir müddət əvvəl yerli KİV-də R. Mehdiyevin dövlətə xəyanətdə ittiham olunmasına və barəsində 4 ay müddətinə ev dustaqlığı qətimkan tədbirinin seçilməsinə dair məlumatlar yayılıb.
Tətbiqimizi yükləyə bilərsiniz
