Netanyahu əfv olunmaq üçün prezidentə müraciət etdi

İsrailin Baş naziri Benyamin Netanyahu əfv olunmaq üçün rəsmi şəkildə Prezident İshaq Hersoqa müraciəti ünvanlayıb.
Yeniavaz.com “The Times of Israel”ə istinadla xəbər verir ki, bu barədə ölkə prezidentinin ofisi məlumat yayıb.
Bildirilib ki, Ədliyyə Nazirliyinin əfv şöbəsi nazirliyin bütün aidiyyəti qurumlarının rəylərini toplayacaq və sonra tövsiyələri hüquqi müşavirlərə təqdim edəcək.
Bir müddət əvvəl ABŞ Prezidenti Donald Tramp da Hersoqa müraciət edərək Netanyahunun əfv edilməsini xahiş etmişdi.
Qeyd edəl ki, İsrail prezidentinin məhkəmə qərarı ilə məhkum olunmuş şəxsləri əfv etmək səlahiyyəti var.
Xatırladaq ki, Netanyahuya qarşı korrupsiya istintaqı 2016-cı ilin dekabrında başlayıb, 2019-cu ildə isə ona bir neçə korrupsiya işi üzrə rəsmi ittiham irəli sürülüb.