Çinin BYD şirkəti 2021-ci ilin əvvəlindən 2023-cü ilin payızınadək buraxılan 89 min “Qin Plus DM” hibrid avtomobilini geri çağırmaq qərarına gəlib.
Yeniavaz.com xəbər verir ki, bu barədə məlumatı “Carnewschina.com” yayıb.
Bildirilir ki, bəzi avtomobillərdə batareya modullarının yanlış yığılması ehtimalı mövcuddur. Bu nasazlıq nəticəsində çıxış gücü azalır və müəyyən ağır iş rejimlərində avtomobilin tam elektriklə işləmə funksiyası tamamilə dayanaraq təhlükəsizlik baxımından risk yarada bilər.
Geri çağırılan “Qin Plus DM” modellərinin sahiblərinə dilerlər tərəfindən proqram təminatının yenilənməsi ilə bağlı bildiriş göndəriləcək. Bütün texniki prosedurlar ödənişsiz yerinə yetiriləcək.
Tətbiqimizi yükləyə bilərsiniz
