Gültəkin Hacıbəyli Türkiyədə saxlanılıb

Sabiq millət vəkili və Milli Şuranın üzvü Gültəkin Hacıbəyli Türkiyədə polis idarəsinə aparılıb.
Yeniavaz.com xəbər verir ki, bu barədə məlumatı özü sosial şəbəkə hesabında paylaşıb.
Onun sözlərinə görə, İstanbulda polis idarəsinə aparılıb: “Çox güman ki, Türkiyədən deportasiya olunacağam”.
“İndicə oğlumla birlikdə İstanbulda kirayədə yaşadığım evin qapısını döydülər, əmniyyətdən gəliblər, məni karakola aparırlar. Heç bir səbəb yoxdur. Türkiyəyə 25 sentyabrda gəlmişəm, 3 aylıq müddətim bitməyib, üstəlik ikiillik oturma iznim var”, – deyə o qeyd edib.
Qeyd edək ki, dünən mətbuatda AXCP sədri Əli Kərimli və partiyanın Rəyasət Heyətinin üzvü Məmməd İbrahimin evində də axtarış aparıldığı barədə məlumatlar yayılıb.