“İctimai televiziya (İTV) türkiyəli şərhçi Ertem Şenerin “Napoli” - “Qarabağ” matçını şərh etməsinə icazə verməyib”.
Yeniavaz.com xəbər verir ki, bu barədə sportal.az məlumat yayıb.
Bildirilib ki, Ertem Şener şərh etmək məqsədilə “Qarabağ”ın səfər oyunlarını yayımlayan İTV-yə müraciət edib, lakin telekanal rəhbərliyi bu təklifə razılıq verməyib.
Matçı Tural Dadaşov şərh edib.
Xatırladaq ki, Ertem Şener “CBC Sport” telekanalında yayımlanan “Qarabağ” - “Çelsi” oyununu Pərviz Musayevlə şərh edib. Tanınmış türk şərhçinin Musayevlə tandemi ictimaiyyət tərəfindən müsbət qarşılanıb. Həmin oyundan sonra məlumat yayılmışdı ki, Ertem Şener bu mövsüm “Qarabağ”ın Çempionlar Liqasında qalan oyunlarında da şərhçilik edəcək.
Qeyd edilib ki, Ertem Şenerin “Qarabağ”ın növbəti ev oyunlarındakı şərhlərində iştirak etməsi gözlənilir.
Tətbiqimizi yükləyə bilərsiniz
