ABŞ Prezidenti Donald Tramp narkotik qaçaqmalçılığına görə 45 il həbs cəzasına məhkum edilmiş Hondurasın keçmiş prezidenti Xuan Orlando Hernandesi əfv edib.
Yeniavaz.com xəbər verir ki, bu barədə ölkə başçısı sosial şəbəkə hesabında məlumat yayıb.
“Hörmət etdiyim bir çox insanın çox qəddar və ədalətsiz rəftar edildiyini söyləyən Honduras keçmiş prezidenti Xuan Orlando Hernandez üçün tam əfv fərmanı verəcəyəm”, - Tramp yazıb.
Amerika lideri Hondurasın siyasi və maliyyə uğurları yolunda olduğuna inamını ifadə edib.
Xatırladaq ki, 27 iyun 2024-cü ildə ABŞ Ədliyyə Departamenti Nyu-York məhkəməsinin Hondurasın keçmiş prezidenti Hernandesi narkotik ticarəti ittihamı ilə 45 il həbs cəzasına məhkum etdiyini açıqlayıb.
Tətbiqimizi yükləyə bilərsiniz
