Tramp Venesuela üzərində hava məkanını bağladığını açıqladı

ABŞ Prezidenti Donald Tramp Venesuela üzərindəki hava məkanını bağladığını açıqlayıb.
Yeniavaz.com xəbər verir ki, bu barədə o,sosial şəbəkə hesabında məlumat yayıb. 
“Bütün hava yolları, pilotlar, narkotik və insan alverçiləri, xahiş edirəm Venesuela üzərində və ətrafındakı hava məkanını tamamilə bağlı hesab edin”, - Amerika lideri yazıb.
Qeyd edək ki, Vaşinqton Venesuela hakimiyyətini narkotik qaçaqmalçılığı ilə kifayət qədər mübarizə aparmamaqda ittiham edir. ABŞ Hərbi Dəniz Qüvvələri Karib dənizinə nüvə sualtı qayığı olan USS Gerald R. Ford təyyarədaşıyan gəmilərinin zərbə qrupunu və 16 mindən çox hərbçini yerləşdirib. Sentyabr ayından bəri ABŞ qüvvələri bölgədə ən azı 20 sürətli qayığı batırıb və nəticədə 80-dən çox insan həlak olub.
Amerika mediası ABŞ-nin tezliklə Venesuela ərazisinə zərbələr endirməyə başlaya biləcəyini dəfələrlə yazıb. Cümə axşamı Tramp bəyan edib ki, Vaşinqton Venesueladan narkotik qaçaqmalçılığı ilə çox yaxında quruda mübarizəyə başlayacaq, lakin mümkün hərbi əməliyyatlar barədə təfərrüatlar açıqlamayıb.