Ağdam, Füzuli və Xocavənd rayonlarında Bərpa, Tikinti və İdarəetmə Xidmətinin keçirdiyi tender müsabiqəsinin qalibi “Diler İnşaat” QSC (VÖEN – 1403566801) olub.
Yeniavaz.com xəbər verir ki, Xidmət Ağdam şəhəri 5 nömrəli yaşayış massivi üzrə yaşayış və qeyri-yaşayış binalarının daxili kommunikasiya işlərinin və avadanlıqların satın alınmasına görə “Diler İnşaat” QSC-yə 31 milyon 934 min 173 manat 84 qəpik ödəyəcək.
Ağdam, Füzuli və Xocavənd rayonlarında Bərpa, Tikinti və İdarəetmə Xidməti son 3 ayda “DİLER İNŞAAT” QSC ilə 3 müqavilə imzalayıb. Avqust ayında imzalanan müqavilənin ümumi dəyəri 7,8 milyon, bu ayın əvvəlində imzalanan müqavilənin dəyəri isə 8 milyon manat olub.
Qeyd edək ki, tender müsabiqəsinin qalibi olan “Diler İnşaat” QSC 28 oktyabr 2016-cı il tarixində dövlət qeydiyyatına alınıb. Hüquqi ünvanı Yasamal rayonu, Moskva prospekti, ev 73A-da yerləşən QSC-nin nizamnamə kapitalı 2010 manat təşkil edir. QSC-nin qanuni təmsilçisi Süleymanov Elxan Füzuli oğludur.
Onu da bildirək ki, “Diler İnşaat” QSC-nin sahibi millət vəkili Ülvi Quliyevin oğlu Orxan Quluzadədir.
Elnur Əli
Tətbiqimizi yükləyə bilərsiniz
