Ağ Ev saxta xəbərlər yayan media orqanları üçün virtual lövhə yaratdı

Tramp administrasiyası saxta xəbərlər yayan media orqanları üçün virtual “rüsvayşçılıq lövhəsi” yaradıb.
Yeniavaz.com xəbər verir ki, bu barədə Ağ Evin mətbuat katibi Kerolayn Livitt “X” sosial media platformasında məlumat yayıb.
“Tramp administrasiyası insanları saxta xəbərlərə görə əvvəllər heç vaxt olmadığı kimi məsuliyyətə cəlb edir”, - deyə mətbuat katibi bildirib.
Bununla bağlı Ağ Evin saytında yeni bölmə yaradılıb. Bölmədə administrasiyanın yalan xəbər yaydığını hesab etdiyi jurnalistlərin və nəşrlərin siyahısı öz əksini tapıb.
Xüsusilə, bunlara “The Washington Post”, “Axios” və CNN daxildir.
Qeyd edək ki, noyabrın 9-da Livitt Britaniya Yayım Korporasiyasının (BBC) saxta xəbərlər təşkilatı olduğunu iddia edib. Ağ Evin mətbuat katibi əlavə edib ki, şirkət Trampın fəaliyyəti ilə bağlı yalan xəbərlər yayır.
Həmçinin iyun ayında ABŞ Prezidenti Donald Tramp MSNBC və CNN telekanallarını saxta xəbərlər yaymaqda ittiham edib.