“Güclü Gürcüstan” partiyasının liderlərindən biri Aleko Elisaşvili həbs edilib.
Yeniavaz.com xəbər verir ki, bu barədə Gürcüstan Daxili İşlər Nazirliyi məlumat yayıb.
Məlumata görə, siyasətçi oktyabrın 29-da səhər saatlarında Tbilisi Şəhər Məhkəməsinin dəftərxana binasını yandırmağa cəhd edib.
Nazirliyin məlumatına görə, Elisaşvili çəkicdən istifadə edərək, dəftərxana binasının ön fasadındakı pəncərəni sındırıb, binaya daxil olub, orada dəftərxana ləvazimatlarına, avadanlıqlara və sənədlərə benzin töküb və binanı yandırmağa cəhd edib.
Məlumatda bildirilir ki, o, hadisə yerində məhkəmə icraçıları xidmətinin nümayəndələri tərəfindən saxlanılıb. Elisaşvili odlu silahdan istifadə edərək, müqavimət göstərib.
“Müqavimətə baxmayaraq, Aleko Elisaşvili məhkəmə icraçıları tərəfindən həbs edilib”, - Daxili İşlər Nazirliyinin yaydığı məlumatda qeyd edilb.
Məhkəmə icraçılarından biri qarşıdurma zamanı xəsarət alıb və xəstəxanaya yerləşdirilib.
“Həbs zamanı müqavimət nəticəsində Aleko Elisaşvili də yaralanıb. Polis cinayətin törədilməsində istifadə olunan alətləri sübut kimi götürüb”, - Gürcüstan DİN-dən bildirilib.
Hazırda faktla bağlı Gürcüstan Cinayət Məcəlləsinin 19-187-ci maddəsi ilə araşdırma aparılır.
Siyasətçi Diqomi polis şöbəsinə köçürülüb.
Tətbiqimizi yükləyə bilərsiniz
