UEFA “Qarabağ”ı cərimələdi

Avropa Futbol Assosiasiyaları İttifaqı (UEFA) “Qarabağ”ın gənclərdən ibarət komandasını cərimələyib.
Yeniavaz.com xəbər verir ki, bu barədə “Goal.com” portalı məlumat yayıb.  
Məlumata görə, buna səbəb Bakıda “Qarabağ”ın gənclərdən ibarət komandasının “Çelsi” komandası ilə keçirdiyi oyunda azarkeşin irqçi davranışı olub.
Belə ki, “Çelsi”nin hücumçusu Sol Qordon “Qarabağ”ın qapısına qol vurduqdan sonra azərbaycanlı klubun azarkeşlərindən biri ona qarşı irqi ayrı-seçkilik nümayiş etdirib.
Nəticədə, Ağdamın gənclər komandası 5 min avro cərimələnib.
Bundan başqa, “Qarabağ”a şərti cəza verilib və növbəti ev oyununu bağlı qapılar arxasında keçirməsi tələb olunub.
Bir il ərzində azarkeşlər tərəfindən irqçi hadisələr təkrarlanarsa, sanksiya tətbiq olunacaq.
Oyun London klubunun 5:0 hesablı qələbəsi ilə başa çatıb.